Тіршілік тынысы Tirshilik-tynysy.kz ақпараттық агенттігі
» » Бітіруші түлектері жаңа ережеге сай ҰБТ тапсыруда

Бітіруші түлектері жаңа ережеге сай ҰБТ тапсыруда

Бүгін қала бойынша бітіруші түлектер жаңа ережеге сай ҰБТ тапсыруда.

Тестілеуге Қызылорда қаласы бойынша 2668 түлектің 2458-і тестілеу тапсыруға өтінім берген. Ұлттық бірыңғай тестілеу 2023 жылдың 10 қаңтарынан 10 ақпанға дейін жалғасады.

Айта кету керек, 2023 жылғы ҰБТ-да тестілеу форматы өзгеріссіз қалды. Қазақстан тарихы бойынша тестілеуге қатысушылар 20 тапсырманы, оқу сауаттылығы – 15, математикалық сауаттылық – 15 және екі бейіндік пән бойынша 35 тапсырманы орындайды. Барлығы – 120 сұрақ. Ең жоғары балл – 140. Тестілеудің жалпы уақыты – 4 сағат (240 минут). Сондай-ақ, ерекше білім беру қажеттіліктері бар балалар үшін қосымша 40 минуттық уақыт сақталады.

Сонымен қатар дистракторлар саны азайды (жауап нұсқалары). Бір дұрыс жауабы бар тест тапсырмаларында нұсқалар саны бестен төртке дейін, бір немесе бірнеше дұрыс жауаптары бар тест тапсырмаларында (үш дұрыс жауаптан көп емес) сегізден алтыға дейін азайтылды.

Қаңтардағы ҰБТ-дан бастап «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламаларының топтарына түсуге ниет білдірушілер ҰБТ-ны «Математика-Информатика» комбинациясы бойынша тапсырады.

Тестілеу кезінде калькулятор, Менделеев және тұздар ерігіштігі кестелері барлық талапкер үшін компьютер экрандарында қолжетімді болады. Сондай-ақ ҰБТ қатысушыларына өздерімен қалам, су және шоколад алып келуге рұқсат етіледі.

Түлектерге сәттілік тілейміз!!!

Қызылорда қаласы бойынша білім бөлімінің баспасөз қызметі
13 қаңтар 2023 ж. 148 0