Пойыз кешіккен кезде билет бағасын қалай қайтаруға болады?
Пойыз тоқтатылған немесе кешіктірілген кезде ақшаны қалай қайтаруға болатыны жөнінде айтамыз, деп хабарлайды BAQ.KZ.
«Жолаушылар тасымалы» АҚ пайдаланылмаған жол жүру құжаттарын (билеттерін) қайтару және пойыздардың кешігіп келгені үшін өтемақы төлеу жолаушыларды, багажды, жүк-багажды және пошта жөнелтімдерін теміржол көлігімен тасымалдау қағидаларына сәйкес жүргізілетінін хабарлайды.
Пойыз кешіккен кезде:
- 1 сағаттан кешіктірілмей жүретін пойызда жүруден бас тартқан жолаушыларға жол жүру құнын толық қайтару жүргізіледі, бірақ жолаушылар пойызы билетте көрсетілген станциядан жөнелтілгенге дейін.
- Жолаушыларға жол жүру жолында сапарлауын тоқтатқан кезде жүріп өтпеген қашықтық үшін жол жүру құны төленеді
- Ұлттық тасымалдаушының жолаушылар пойызы кешіккен жағдайда әрбір толық сағат үшін 3% мөлшерінде өтемақы төленеді, бірақ жол жүру құнынан аспайды. Өтемақыны «Жолаушылар тасымалы» АҚ-ның билет кассаларынан алуға болады.
Жеке тасымалдаушының жолаушылар пойызымен жүрген жолаушылар өтемақы алу үшін жеке тасымалдаушының әкімшілігіне жүгінуі керек.
Жолаушылар пойызын ауыстыру кезінде:
- Ауыстырылған төменгі санаттағы жолаушылар пойызында / вагонында жүрген жолаушыларға жол жүру құнының айырмасы төленеді, жоғары санат үшін жолаушылардан қосымша ақы алынбайды.
- Ауыстырылған пойызда/вагонда жол жүруден бас тартқан жолаушыларға жол жүрудің толық құны қайтарылады.
