Науқанға жауапкершілікпен қатысуға шақырды
«AMANAT» партиясы жанындағы референдумды қолдауға арналған республикалық штабтың мүшелері, ҚР Парламенті Мәжілісінің депутаттары Ғалым Әміреев, Бақытбек Смағұл мен Г.Шиповских бүгін Қызылорда қалалық партия филиалында партия активі және ардагерлермен кездесті.Жиында штаб мүшелері осы жолғы өзгерістердің ауқымы өте кең екеніне тоқталып, референдумның маңыздылығын жайында айтты.
Мәжіліс депутаты Бақытбек Смағұлдың сөзінше конституцияға енгізілетін түзетулер билік тармақтары арасындағы қарым-қатынастардың оңтайлы тепе-теңдігін қалыптастыруға және азаматтардың конституциялық құқықтарын қорғауды күшейтуге көмектеседі.
Ал, Геннадий Шиповских Президент Тоқаев өзінің туған халқына барынша мол бостандық беруді мақсат етіп отыр. Халық өз тағдырын өзі шешетіндей болуы үшін, мемлекеттің ісін барлық өлшемдер бойынша халықтың өзі айқындайтын жағдай жасау үшін бүкіл халықтық референдум өткізіліп отырғандығын айтса, Ғалым Әмреев «Ұсынылып отырған өзгерістердің маңыздылығын ескере отырып, Қазақстанның болашағын айқындайтын жалпыхалықтық дауыс беру арқылы тарихи шешімдер қабылдантындығын атап өтіп, жиылғандарды өз таңдауын жасап, осы науқанға атсалысуға шақырды.
