Айтар сөзіміздің үш сүзгісі

Бір жігіт ұстазына келіп:

- Ұстаз, мен сізге бір нәрсе айтқым келеді, -дейді.

- Тоқтай тұр, - дейді ұстазы. Айтар сөздеріңді алдымен үш сүзгіден өткізіп ал.

- Үш сүзгі?

- Иә. Ең бірінші – шындық сүзгісі. Маған айтқалы тұрғандарың шындық екеніне сенімдісің бе?

- Жоқ, өзгелерден естігенім...

- Жақсы. Яғни сен оның ақиқат екенін білмейсің. Екінші – жақсылықтың сүзгісі. Ол адам жайлы маған жақсы нәрсе айтқың келе ме?

- Жоқ, керісінше...

- Сонда сен шындықты білмесең де ол туралы жаман нәрсе айтпақсың. Ең соңғысы – игілік сүзгісі. Сенің айтқың келген нәрсеңнің маған, өзіңе пайдасы бар ма?

- Жоқ, жай, айтқым келіп...

- Сонымен, сенің маған айтқың келгеніңде шындық та, жақсылық та, пайдасы да жоқ. Онда оны айтудың қажеті қанша?