Баға жетпес құндылық – ана тілі

Ел Тәуелсіздігінің 30 жылдығына орай рес­публиканың бас газеті «Ege­men Qazaqstan»-да ҚР Президенті Қ.К.Тоқаев­тың «Тәуелсіздік бәрінен қым­бат» атты мақаласы жарияланды. Онда Мемлекет басшысы ел дамуының айқын бағыттарын белгілеп, Тәуелсіздігіміз тұғырлы болуы үшін туған тіліміздің де маңызы зор екендігіне тоқталды.

– Еліміздің басты нышандарының бірі – мемлекеттік тіл. Біз Тәуелсіздік дәуірінде ана тілімізді дамыту үшін барлық жағдайды жасадық. Қазақ тілін, шын мә­нінде, бүкіл халқымызды біріктіруші  фак­торға айналдырудың барлық құ­қық­тық тәсілдері және кепілдіктері қа­лыптасты, – деп атап көрсетті Мемлекет басшысы.

Сондай-ақ мақалада тіл игеру үшін балалар әдебиетінің атқаратын рөлі де зор екендігі айтылған. Балалар – біздің болашағымыз. Туған тіліміздің тұнығын сақтап, болашаққа апаратын да солар, жас ұрпақ. Өйткені, кез келген ұлттың баға жетпес қазынасы – тілі. Ол ұлтпен бірге жасап, заманмен бірге дамып отыратын құбылыс.  

«Туған жерің – тұғырың,  туған тілің – қы­дырың» дегендей, мақала мемлекеттік тілдің мәртебесін көтеріп, оның болашығы зор екендігін меңзейді.

Шаһарбек НҰРСЕЙІТОВ,

ҚР Журналистер

Одағының мүшесі