Елбасының жарқын істері көпке үлгі

Еліміздің бас басылымы Egemen Qazaqstan газетінен ел Президенті Қасым-Жомарт Тоқаевтың «Тарихи тұлға тағылымы» тақырыбында Елбасы Нұрсұлтан Назарбаев жайында жазылған мақаласын оқып білдік. Мұнда Елбасының сарабдал саясаты кеңінен қамтылған. Отыз жылға жуық уақыт шеңберінде ел саясатын жүргізудегі Елбасының негізгі принципі Тәуелсіз Қазақстанды дамушы мемлекеттер қатарына қосу болатын. Әр жылдары тарих беттеріне алтын әріптермен жазылып қалған елеулі оқиғалар көпшілік жадында.
«Нұрсұлтан Назарбаев барлық рефор­маның қозғаушы күші де, кепілі де өзі болды. Сондықтан да қолға алған іс-қимылының дені сәтімен жүзеге асырылды. Оның бастамасымен еліміз жоспарлы экономикадан нарықтық экономикаға көшті. Барлық мемлекеттік құрылымдарда түбегейлі реформалар жүргізілді. Демократия дәстүрлері орнықпаған, құқықтық тәртіп беки қоймаған елде қатаң орталықтандырылған жүйеден еркін нарыққа көшу үздік-создық, ауыр әрі күрделі болды. Бұл Нұрсұлтан Әбішұлы тарапынан жасалған тәуекелі зор, үлкен қадам еді» деген Мемлекет басшысы елдің өркендеуі жолында, экономиканы ілгерілету үшін жасалған нақты батыл қадамдарға тоқталды. Халықтың әл-ауқатын жақсарта отырып, әлемдік аренада экономикалық саясатты жүргізу болашағы зор реформаларды жүзеге асыруға септігін тигізді.
Қазіргі таңда әлем елдері санасатын Қазақстанның дүниежүзінде беделі айтарлықтай зор. Елбасы салған сара жолмен өскелең ұрпақ бой түзеп келеді. Елдің тұрақтылығын қамтамасыз етіп, бейбіт шешімдерге қол жеткізген Тұңғыш Президент Нұрсұлтан Назарбаевтың жарқын істері көпке үлгі.

Берік  Ахметов,
"Nur Otan" партиясы Сырдария

аудандық филиалының кеңесші