«Жас ғалымдар альянсы» қоғамдық бірлестігінің Президенті тағайындалды.

Сырдариялық Рахметулла Жаппарбергенов «Жас ғалымдар альянсы» қоғамдық бірлестігінің Президенті болып тағайындалды. Жерлесіміз алдағы уақытта ғылым саласында табанды еңбек ететін болады. Қоғамдық бірлестік тарапынан жүйелі жұмыс жүргізіліп, жас ғалымдарға айрықша қолдау көрсетіледі

Жаппарбергенов Рахметулла Өмірбекұлы 1991 жылы 2 маусымда Қызылорда облысы, Сырдария ауданы, Тереңөзек кентінде шаруа отбасында дүниеге келген. Ұлты қазақ.

1998-2009 жж. Қызылорда облысы, Сырдария ауданы, Тереңөзек кентінің Иса Тоқтыбаев атындағы №35 қазақ орта мектебінде білім алған.

2009-2013 жж. Қорқыт Ата атындағы Қызылорда мемлекеттік университетінде «Тасымалдауды, жол қозғаласын ұйымдастыру және көлікті пайдалану» мамандығын үздік дипломмен аяқтады.

2009-2013 жж. Қорқыт Ата атындағы Қызылорда мемлекеттік университетінің әскери кафедрасын аяқтап, запастағы лейтенант әскери атағын алды;

2013-2015 жж. Ресей Федерациясы, Татарстан Республикасының Қазан мемлекеттік аграрлық университетінің «Агроинженерия» мамандығы бойынша магистратурада білімін жалғастырды.

2015-2019 жж. Қорқыт Ата атындағы Қызылорда мемлекеттік университетінің «Физика-химиялық талдау әдістері» инженерлік бейіндегі зертханасында инженері қызметін атқарды.

2019 жылдың ақпан айынан осы уақытқа дейін Қорқыт Ата атындағы Қызылорда мемлекеттік университетінің «Физика-химиялық талдау әдістері» инженерлік бейіндегі зертханасында ғылыми қызметкері болып жұмыс жасайды.

Жерлесіміз осы күнге дейін ғылым және жастар саясатын жүзеге асыру жолында диплом және алғыс хаттармен марапатталды:

2009 ж. Қалалық білім бөлімінің басшысы Бектұр Қалидың алғыс хаты;

2011 ж. Облыс әкімі кубогы үшін өткен пікір-сайыс турнирінде «Үздік төреші» номинациясы;

2011 ж. Ғани Мұратбаевтың 110 жылдығына орай өткізілген пікір-сайыс турнирінің «Үздік төреші» номинациясы;

2011 ж. Қорқыт Ата атындағы ҚМУ VІ ғылыми конференциясында І дәрежелі диплом;

2012 ж. Республикалық ғылыми конференциясында Білім және Ғылым министрі Бақытжан Тұрсынұлы Жұмағұловтың ІІІ дәрежелі дипломы;

2012 ж. Жастар саясатына қосқан үлесі үшін Облыс әкімінің орынбасары Нұртаев Рзақұл Сәденұлының алғыс хаты;

2012 ж. Болашақ университеті ректорының кубогы үшін өткен пікір-сайыс турнирінің чемпионы;

2013 ж. Болашақ университеті ректорының кубогы үшін өткен Республикалық пікір-сайыс турнирінің «Үздік спикер» номинациясының иегері;

2015 ж. Татарстан Республикасында қазақ тілі мен салт дәстүрін дәріптеу, ұлтаралық бейбітшілік пен келісімді сақтаудығы үлесі үшін Татарстан Республикасындағы «Қазақ ұлттық-мәдени автономиясының» басшысы С.К. Джаксыбаевтың алғыс хаты.

2016 ж. Қызылорда қаласы жастарына арналған «Самғау» жастар сыйлығының иегері;

2018 ж. Қорқыт Ата атындағы Қызылорда мемлекеттік университетінің ғылыми жұмыстарын дамыту жолындағы қажырлы еңбек етіп, ерекше үлес қосқаны үшін университет ректорының алғыс хаты;

2018 ж. Қызылорда облысы әкімі орынбасарының алғыс хаты;

2018 ж. «Қызылорда қаласына 200 жыл» мерекелік медалінің иегері.