Францияда иіссуды таңдауға көмектесетін технология ойлап табылды
Францияда сатып алушыларға адамға ең қолайлы иіссуды таңдауға мүмкіндік беретін технологияны ойлап тапты. Ол адамның миын сканнерлеу арқылы жүзеге асырылады, деп хабарлайды «Хабар 24».Құрылғы тұтынушының әтүрлі иіске эмоцианалдық қабылдауын анықтап, иіссудың қандай түрі лайықты екенін көрсетеді. Тың технологияны француздық «Ив Сен Лоран» мен америкалық «И мотив» компаниясы бірлесіп жасап шығарған. Мамандар құрылғы тұтынушыға жағымды иіссуді 96 процент дәлдікпен анықтап береді деп отыр. Алдағы уақытта бірегей технологияны дүкендерде кеңінен қолданысқа енгізу көзделіп отыр.
