Тіршілік тынысы Tirshilik-tynysy.kz ақпараттық агенттігі
» » Португалияда Қорғаныс министрі қызметіне алғаш рет әйел тағайындалды

Португалияда Қорғаныс министрі қызметіне алғаш рет әйел тағайындалды

Португалияның Премьер-Министрі Антониу Кошта ел үкіметінің жаңа құрамын таныстырды. Осылайша, ел тарихында алғаш рет Ұлттық қорғаныс министрлігін әйел басқаратын болды, деп хабарлайды Egemen.kz.

Португалия Президентінің веб-сайтында жарияланған тізімге сәйкес, атқарушы билікті Премьер-министр және 17 министр ұсынады. Олардың 9-ы – әйел, оның ішінде Ұлттық қорғаныс министрі – Элена Каррейрас та бар.

Португалияның жаңа үкіметін ұлықтау рәсімі келесі аптада өтеді.

Элена Каррерас 1965 жылы Португалияның Порталегри қаласында дүниеге келген. Ол әскери әлеуметтану маманы, НАТО Қарулы Күштеріндегі гендерлік интеграция саясаты туралы диссертация қорғады. 2019 жылдың шілдесінде Каррерас Ұлттық қорғаныс институтын басқарды, ол осы лауазымда да алғашқы әйел болған.
24 наурыз 2022 ж. 919 0