Тіршілік тынысы Tirshilik-tynysy.kz ақпараттық агенттігі
» Қызылордалық дарын Youtube-ке жаңа балама ойлап тапты

Қызылордалық дарын Youtube-ке жаңа балама ойлап тапты

Бұл туралы Қызылорданың өңірлік коммуникациялар қызметі әлеуметтік парақшасында жазды.
Сыр мақтанышы Евгений Демиденко әлемге әйгілі Youtube хостингімен бәсекелесе алатын жаңа платформа ойлап тапты. Жас дарын бейнехостингті жаңа үлгісін жасауда ұзақ зерттеу жүргізіп, тыңғылықты дайындалған. 
Оның жаңа бағдарламасы Youtube желісінде жоқ жаңа функцияларды орындай алады. Яғни бейнелерге қатысты өз ұсыныстарын жаңа деңгейге шығару үстінде. Youtube бейнехостингіне балама болатын бағдарлама 2020-2021 жылдары аяқталады. Қазір оның жобасы жабық көрсетілім жағдайында тұр.
Еске сала кетейік, қызылордалық жас өрен Евгений Демиденко шетелдік «Boeing» компаниясынан ұсыныс алған тұңғыш қазақ баласы. Қолданыстағы ұшақтардың базасына негізделген жаңа әуе кемесінің жобасын әзірлеген оның ІТ саласындағы жобалары шетелдік компаниялардан қолдау табуда.
- Ұшақтағы техникалық және дизайнерлік рәсімдеуді толығымен өзгертіп, оның жаңа және революциялық моделін жасап шығардым. Жоба «Nazarbayev Foundation School Challange» байқауының базасында таныстырылды және мен онда жеңімпаз атанып, Англияның жетекші жоғарғы оқу орындарына барып, білімімді жетілдіру мүмкіндігіне ие болдым,-дейді ол.


egemen.kz
---
17 шілде 2019 ж. 426 0