Тіршілік тынысы Сырдария аудандық қоғамдық-саяси газет

PDF нұсқалар мұрағаты

54 газет

16 шілде 2019 ж.

53 газет

13 шілде 2019 ж.

№52 газет

10 шілде 2019 ж.

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031 
» » ЖОЛАҚЫ ҚЫМБАТТАДЫ

ЖОЛАҚЫ ҚЫМБАТТАДЫ

Өткен айдың аяғында ауа райы температурасы күрт жоғарылап, күн ысыды. Күн райы тымырсық болып, адамдарды әбігерге салды. Шақырайған күннен тығылғандар әр жерді көлеңкелегеннің өзінде ыстық леп ұрды. Осындай сәтте кейбір көліктер істен шығып жатты. Суы қызып, жүрмей қалды. Соның салдарынан қала мен аудан орталығына қатынайтын такси көліктері азайды. Осыны бағамдаған таксишілер ауа температурасы жоғары болып тұрғанда жолақы бағасын да көтеріп жіберді.
Мұның алдында екі аралыққа қатынайтын такси жолақысы 400 теңге болатын. Бұл – күндізгі баға. Ал кенттен қалаға немесе кері бағытта кешкі 18.00-ден кейін таксиге мінсеңіз, 500 теңге төлейсіз. Яғни, белгіленген уақытқа үлгермей қалсаңыз, қосымша 100 теңге қосасыз деген сөз. «Қараңғы түскен соң өздері үшін төлейді» деген түсінік. Жету керек болған соң, амал жоқ, үстемақы қосылады.
Қазір күндізгі баға кешкі бағамен бірдей болды. Кешегідей күн ыстықта баға 100 тең­геге қымбаттап, такси 500 теңгені құрады. Мұның себебін сұрасаң таксишілер автокөлік бөлшектерінің қымбаттағанын алға тартады. Екі аралықтағы жол көліктің тез бұзылуына себепші дейді. Соның салдарынан жолақыны көтеруге мәжбүр болған.
Бұған тұрғындар наразы пікір білдіруде. Өйт­кені жолақыны қымбаттатқанмен жолау­шыға жағдай жасалып жатқан жоқ. Яғни, қазіргідей шіліңгір шілденің ыстығында көліктерде салқын­датқыш орнатылмаған. Одан бөлек екі аралықта қатынайтын автокөліктердің кейбірінің тозығы жеткен. Салық басқармасына тіркелмей, жолаушы тасымалдап жүргендері де жетерлік. Оның үстіне жолда жүйткіп, жылдамдық арттыратыны тағы бар. Бір сөзбен айтқанда, баға жоғарылағанмен, тасымал қызметі сол баяғы қалпында қалған.
Тұрғындар жолаушыға жағдай жасалса, әркім өзі үшін осы бағаға келісетінін айтады. Қалтадан шыққан ақша болған соң жұртшылық талап та қоятыны анық. Ал ол талап орындалмаса, жолақыны негізсіз қымбаттата берудің жөні жоқ.

Е.БЕРКІНБАЕВ

06 шілде 2019 ж. 74 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам