Қызылорда облысы Ұлытау облысының жайылымдарын 2050 жылға дейін пайдалануды жалғастырады
Қазақстан Үкіметі 2024 жылғы 1 тамыздағы «Қызылорда облысы мен Ұлытау облысы арасындағы жер қатынастарын реттеудің кейбір мәселелері туралы» қаулы қабылдады.«Қазақстан Республикасы Ауыл шаруашылығы министрлігінің, Қызылорда және Ұлытау облыстары әкімдіктерінің осы қаулының қосымшасына сәйкес экспликация бойынша Ұлытау облысы Ұлытау ауданының аумағындағы жалпы алаңы 2 210,9 мың гектар жерді Қызылорда облысының ұзақ мерзімді пайдалану мерзімін 2050 жылға дейін ұзарту туралы ұсынысына келісім берілсін», – делінген құжатта.
