Тіршілік тынысы Tirshilik-tynysy.kz ақпараттық агенттігі
» » Елімізде 7 мыңға жуық әйел әскерде қызмет етіп жүр

Елімізде 7 мыңға жуық әйел әскерде қызмет етіп жүр

Қазақстан Республикасының Қарулы күштерінде 7 мыңға жуық нәзік жан келісімшарт бойынша еңбек етеді, деп хабарлайды ҚазАқпарат тілшісі.

Оның көпшілігі қатардағы жауынгер, сержанттық және офицерлік қызмет атқарады.

Оның ішінде 800-ге жуық офицер, 2 мыңға жуық сержант және 4 мыңға жуық қатардағы жауынгер бар.

«Жеті әйел жоғары лауазымдарда. Атап айтқанда, Қорғаныс министрінің көмекшісі, Қорғаныс министрлігі департаменті бастығының орынбасары, қорғаныс істері жөніндегі департамент бастығының орынбасары, әскери госпиталь, база, орталық және лазарет бастығының орынбасары», – делінген Қорғаныс министрлігінің ҚазАқпарат агенттігінің ресми сауалына берілген жауапта.

Айта кетейік, бүгін елімізде Отан қорғаушы күні аталып өтіп жатыр.
Сондай-ақ, бүгін ҚР Қарулы Күштерінің құрылғанына 31 жыл толды.
07 мамыр 2023 ж. 182 0