Жексенбіге арналған ауа райы болжамы
Синоптиктер еліміз бойынша 15 қаңтарға арналған ауа райы болжамымен бөлісті. "Қазгидромет" РМК мәліметінше, еліміздің басым бөлігіне әлі де жауын-шашынсыз ауа райына ықпал ететін антициклон әсер етеді.
"Республикамыздың шығысында, солтүстігінде, орталығында атмосфералық фронтальды бөліктердің өтуіне байланысты қар жауып, жаяу бұрқасын жүреді. Республикамыздың оңтүстігінде тұман тіркеледі"."Қазгидромет" РМК
Түнде Жетісу облысының солтүстігінде, таулы аудандарында сынап бағаны 31-36 градусқа дейін төмендеп, қатты аяз болады. Сондай-ақ Алматы, Жамбыл облыстарында да сынап бағаны 30-32 градусқа дейін төмендеп, аяз күшіне мінеді.
