Қазақстанның екі боксшысы әлем чемпионатының ширек финалына шықты
![](/uploads/posts/2023-05/medium/1683468660_2023_05_07_mycollages-7.jpg)
Әлем чемпионатының күміс жүлдегері Серік Теміржанов 57 келіге дейінгі салмақта мажарстандық Роланд Верешпен жұдырықтасты.
Қазақстан боксшысы төрешілердің бірауыздан шешімімен жеңіске жетті. Бұл оның осы біріншіліктегі екінші жекпе-жегі еді.
Сонымен қатар, Нұрқанат Райыс 75 келіге дейінгі салмақта 1/8 финалда доминикандық Дельгадо де лос Сантоспен шеберлік байқасты.
Нұрқанат Райыс бірінші раундта нокдаун алғанына қарамастан, төрешілердің бірауыздан шешімімен жеңіске жетті.
Осылайша, Нұрқанат алғашқы жекпе-жегін сәтті өткізді.
Айта кетейік, бұған дейін Сәкен Бибосынов Үндістан боксшысы Дипак Кумармен жұдырықтасып, төрешілердің шешімімен жеңілді.