Тіршілік тынысы Сырдария аудандық қоғамдық-саяси газет
» » "Жеңілмеген. Топ-15 тізімде". Жәнібек Әлімханұлы келесі қарсыласы туралы

"Жеңілмеген. Топ-15 тізімде". Жәнібек Әлімханұлы келесі қарсыласы туралы

Орта салмақта жұдырықтасатын қазақстандық кәсіпқой Жәнібек Әлімханұлы (8-0, 4 КО) 9 қазан Лас-Вегастағы The Bubble аренасында өтетін бокс кешінде жұдырықтасады. Қарсылас әзірге белгісіз, дегенмен, қазақстандық боксшының командасы ол туралы аздаған мәлімет берді, - деп хабарлайды Vesti.kz. 
"Біздің команда өз жанкүйерлеріне өте ашық әрі тығыз байланыста екенін білесіздер. Жаттығудан аз-кем ақпарат. Солақай спарринг қарсылас. 21 раунд спарринг жасап, жекпе-жекке шыңдалып алдық. Қисық, ыңғайсыз боксшы. Үлкен тәжірибе болды. Бұйыртса салмағы аздау жылдам боксшымен 16 раунд спарринг күтіп тұр. Ары қарай тағы спарринг. Айтпақшы 9 қазандағы қарсыласымыз солақай. Жеңілмеген. Топ 15 деп жатыр. Ресми бекітілген соң аты-жөнін жариялаймыз. Құдай қаласа, жақсы жекпе-жек болады. @janibek_alimkhanuly батырларыңыз шалдың өзі қайраған орақтай шыңдалып тұр. Әлемге QAZAQ STYLE-ды көрсетуге дайын!
Құрметпен, team QAZAQ STYLE!", - делінген команданың Instagram желісіндегі хабарламасында.
Жәнібек Әлімханұлы былтыр қарашада канадалық Альберт Онолуносені (24-3-1, 8 КО) алтыншы раундта нокаутқа түсіргелі бері рингке шықпады. Боксшының жоспарыларына пандемия бөгет етті. Жақында Әлімханұлы чемпиондық титул үшін жоғары салмаққа өтуге дайын екенін мәлімдеген.
17 қыркүйек 2020 ж. 332 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам