Төтенше жағдайлар министрлігінің ресми өкілі тағайындалды
Төтенше жағдайлар министрлігінің ресми өкілі болып Руслан Иманқұлов тағайындалды, деп хабарлайды BAQ.KZ.
Руслан Иманқұлов 1985 жылы Жамбыл қаласында туған, білімі жоғары.
ТЖ министрлігіндегі өз еңбек жолын Жамбыл облысы ТЖ департаментінің маманы болып бастады. ҚР ІІМ ТЖ комитетінің ресми өкілі болып қызмет атқарды.
Сонымен қатар «Қазақстан темір жолы» ұлттық компаниясы» АҚ, ҚР ИИДМ БАҚ-пен өзара іс-қимыл мәселелеріне жетекшілік етті.
Төтенше жағдайлар министрі Юрий Ильин Р. Иманқұловты жеке құрамға таныстыра отырып, осы саладағы тәжірибесін атап өтті. Сондай-ақ бірқатар басым міндеттерді белгілеп, алдағы жұмысына табыс тіледі.
