ШАШ ЖИІ ТҮСЕТІН БОЛСА
Қалада өмір сүріп шаштың табиғи қалпын сақтап қалу оңай емес. Жаратылысы бөлек, ерекше жан болмаса, қарапайым қыздардың шашының түсуі қалыпты жағдай. Экология нашар болуы, лас ауа, хлорлы су да кері әсер етеді. Шаш көп түспеу үшін қайнаған сумен 4-5 күн бір рет жууға дағдыланған дұрыс. Демалыс күндерді үйде өткізетін болсаңыз, шаш қатты майлы болмаса жумауға тырысыңыз. Солай жайлап-жайлап сирек жууға үйренуге болады. Сусабын құрамында шаштың түсуіне әсер ететін зиянды химиялық заттар көп.
Ал шашыңыз көп түсетін болса, арнайы маска қолдануға болады. Оны шашты қалыңдату үшін де қолданады.
1 сарымсақты тазартып, үккіштен өткіземіз не майдалап тураймыз. Оған 2 жұмыртқа қосамыз. Масканы шаш түбіне жағып, орап қоямыз. 20-30 минут ұстауға болады. Неғұрлым ұзақ ұстасаңыз, соғұрлым нәтижелі болмақ.
reactor.inform.kz
