Кездесуге коалиция мүшелері Марат Бакуов, Ақтөре Ибрагимұлы, Жадыра Бағдатқызы, Аружан Мұханбетқали қатысып, сала өкілдеріне жаңа Конституция жобасына енгізілген өзгерістер мен оның негізгі бағыттары таныстырылып, қоғамдағы құқықтар мен міндеттерді тең сақтау маңызын атап өтілді.

Кездесу барысында коалиция мүшелері референдумның ел болашағы үшін маңыздылығы, азаматтық жауапкершілік, құқықтық сауаттылық және белсенділік мәселелеріне тоқталды.

– Еліміздің басты құжатында білім, ғылым, инновация- ұзақ мерзімді стратегиялық басымдықтардың бірі ретінде қарастырылған. Адами капитал басты орынға қойылды, мемлекеттің байлығы жер қойнауындағы ресурстар емес, білімді жас ұрпақ екені айқындалды. Бұл – Президент қолға алған ауқымды өзгерістердің заңды түйіні, – деді коалиция мүшесі Марат Бакуов.

Өз кезегінде коалиция мүшесі Жадыра Бағдатқызы мемлекет байлығы бүгінде біліммен бағаланатынын, білімді ұрпақ елдің бәсекеге қабілеттілігіне тікелей әсер ететінін айтып, жаңа Ата Заң білім мен ғылымды қолдауда маңызды рөл атқаратынын айрықша атап өтті.