Вакцинация – жұқпалы аурулармен күрестің тиімді жолы
2023 жылдың 3 ай қорытындысымен ауданда вакцинамен басқарылатын Туберкулез, дифтерия, сіреспе, көкжөтел, "В" типті гемофильді таяқша тудыратын аурулар, полиомиелит, қызылша, паротит, қызамық және туа біткен қызамық синдромы, "В" Гепатиті, "А" Гепатиті аурулары тіркелген жоқ. Бұған бірден бір себеп болып отырғаны Қазақстандағы ұлттық екпе егу күнтізбесіне сәйкес жас шамасына қарай осы вакцинамен басқарылатын ауруларға қарсы уақытылы екпе жұмыстарының жүргізілуі.Барлық міндетті екпелер тіркелген жері бойынша тегін жасалады. Балаларға, ересектерге және эпидемиологиялық көрсеткіштерге сәйкес вакцинациялау қажет.
Екпе егу алдында сізге қажет:
Егу паспортын дайындаңыз. Егер ол болмаса, онда өткен вакцинациялар туралы біліңіз;
Вакцинация күнтізбесімен танысыңыз;
Егер вакцинация өткізілмесе, онда емдеуші дәрігер вакцинация кестесін жасауы керек;
Вакцинаның қарсы көрсетілімдері мен ықтимал жанама әсерлері туралы ресми ақпарат көздерінен оқыңыз: Нұсқаулықты egu.kz сайтында оқи аласыз.
Вакцинация кезінде:
Дәрігер вакцинация алдында тексеру жүргізеді;
Анамнезді жинау кезінде дәрігерге ықтимал қарсы көрсетілімдердің болуы туралы ескерту керек: вакцинаны алдыңғы енгізуге жағымсыз реакциялардың болуы, созылмалы аурулар, аллергия, жұқпалы аурудың өткір кезеңі;
Сіз дәрігерге вакцинация туралы кез келген сұрақ қоюға құқығыңыз бар;
Ата аналар вакцинацияға ақпараттандырылған келісімді ресімдейді;
Егуді мейірбике процедуралық кабинетте жүргізеді.
Ата-ана вакцинаны сақтау шарттарын тексеруге, қаптаманы тексеруге, өзімен бірге нұсқаулық алуға құқылы;
Егу паспортында: екпе егу күні мен орны; вакцинацияны жүргізген медицина қызметкерінің деректері; вакцинаның сериялық нөмірі мен сауда атауы жазылуы тиіс.
Егуден кейін:
Егуден кейін 30 минут ішінде жедел аллергиялық реакциялардың алдын алу үшін емханада болу керек;
Ықтимал жанама әсерлер туралы біліңіз. Мысалы, ККП вакцинасынан кейін 7-10 күн ішінде бөртпе "вакцина аллергиясы" емес, вакцинаның қалыпты жанама әсері болып табылады, бұл сізді алаңдатудың қажеті жоқ;
Температура 38.5°C-тан жоғары көтерілгенде, оны түсіретін препараттар қолданған жөн;
Алғашқы бірнеше күнде әлсіздік вакцинациядан кейін жиі кездесетін жанама әсер болып табылады. Осы уақытта жүктемелерді шектеп, көбірек демалу жақсы;
Сырдария аудандық ауруханасының перзентхана бөлімшесінде 2023 жылдың 3 айында дүниеге келген нәрестелер саны – 78, балалардың барлығы өмірінің алғашқы 0-4 күні аралығында егілетін ВГВ – В гепатитіне қарсы әсерсіздендірілген вакцина және БЦЖ – туберкулезге қарсы тірі вакцинасымен алғашқы екпелерімен 100 пайыз қамтылды.
Аудан бойынша мақсатты 1 жасқа дейінгі балаларға жасалатын құрамында АбКДС-ИПВ-Hib-ВГВ – көкжөтелге, дифтерияға, сіреспеге, полиомиелитке, B типті гемофильдік инфекцияға және В гепатитіне қарсы компоненттері бар аралас вакциналармен алғашқы вакциналық кешеннің аяқталуы (АбКДС3-ИП3-Хиб3-ВГВ3) 23,5 деңгейінде орындалды.
1 жасқа толған мақсатты балалардың КПК – қызылша, қызамық, эпидемиялық паратитке қарсы екпе жұмыстары 27,5 пайызда орындалса, Пневмо – пневмококк инфекциясына қарсы балалардың 2, 4 айында және 1 жасында жүргізілетін жоспарлы егудің аяқталуы (12-15 айлық бала ) 2023 жылдың 3 айында 24,1 деңгейінде орындалып отыр.2 жастаға балалардың ВГА – А гепатитіне қарсы қосымша екпелерінің орындалуы ВГА 1 тур - жоспары 174, орындалғаны 179, 2 тур -158.
6 жастағы балалардың КПК – қызылша, қызамық, эпидпаротит, АбКДС-дифтерияға, сіреспе және көкжөтелге қарсы ревакцинациялауы 39,9 деңгейінде орындалды.
Ересектер арасында АДСМ – дифтерия, сіреспеге қарсы егу жұмыстары бойынша 16 жастағы жасөспірімдер көрсеткіш деңгейі -89,8, ал әр 10 жыл сайынғы 26, 36, 46, 56 жастағы ересектер тобының орындалу көрсеткініші 46,9 деңгейінде орындалды.
Құрметті ата-аналар! Есіңізде болсын. Сіздің балаңыздың денсаулығы сіздің қолыңызда. Балаңызға вакцинацияларды уақтылы алуға және еліміздің дені сау азаматы болып өсуге көмектесіңіз.
Гүлсім ТҮСМАҒАНБЕТОВА,
Сырдария аудандық санитариялық-эпидемиологиялық бақылау
басқармасының бас маманы
Фото: ашық дереккөзден
