Қызылордада ауа сапасы нашарлайды
«Қазгидромет» РМК Қазақстан қалаларындағы 14 ақпан күнгі ауа сапасы туралы болжамын жариялады, деп хабарлайды ҚазАқпарат. Атап айтқанда, қолайсыз метеорологиялық жағдай Талдықорған, Қарағанды, Қызылорда, Нұр-Сұлтан және Семей қалаларында болады. Өзге шаһарларда метеоахуал қалыпты.
Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
