Аргентина жеңіс құрметіне демалыс жариялады
Қатардағы әлем чемпионатында жеңіске жеткен Аргентинада бүгін, яғни желтоқсанның 20-сы демалыс күні деп жарияланды, деп хабарлайды «Хабар 24». Ел президенті осылайша халыққа футбол бойынша ұлттық құраманы қарсы алып, жеңісті кеңінен тойлауға мүмкіндік бермек ниетте. Айта кетейік, Аргентина құрамасы өз триумфын Буэнос-Айрес қаласындағы ескерткіштің алдында жанкүйерлерімен бірге атап өтетін болады. Айта кетейік, Қатардағы алдапоп аламанының бас жүлдесін Аргентина мен Франция командаларысарапқа салған болатын. Негізгі ойын уақыты да, қосымша уақыт та тең нәтижемен аяқталды. Амал жоқ, матч соңындағы пенальтилер сериясына жүгінуге тура келді. Нәтижесінде 4:3 есебімен оңтүістік америкалық құрама жеңіске жетті.
