«Қазгидромет»: Бүгін тұрақсыз ауа райы сақталады

Бүгін елдің басым бөлігінде тұрақсыз ауа райы сақталады. Синоптиктердің мәліметінше, кей өңірлерде бұршақ жаууы мүмкін, деп хабарлайды Egemen.kz.

Еліміздің солтүстігінде, орталығында, шығысында, оңтүстік-шығыстың таулы аудандарында қатты жаңбыр болжанған. Тек батыс, оңтүстік-батыста ауа райы жауын-шашынсыз болады.Ал оңтүстікте жел шаңды дауылға ұласады. Сондай-ақ түнгі және таңертеңгі уақыттарда солтүстікте, солтүстік-батыста, орталықта тұман болуы ықтимал.Күндіз Батыс Қазақстан облысының батысында +35+38°С, Атырау облысында +34+39°С, Маңғыстау облысында +37+42°С қатты ыстық күтіледі.Айта кетейік, бұған дейін «Қазгидромет» синоптиктері күз мезгіліне арналған консультативтік ауа райы болжамын ұсынды.