Масаң күйде көлік басқарған жүргізуші әкімшілік жауапкершілікке тартылды
Қазіргі қоғамда қызу пікір талас тудыратын өзекті мәселелердің бірі – ол жүргізушілердің мас күйінде көлік құралын жүргізу болып табылады.Сырдария аудандық сотында Қазақстан Республикасының Әкімшілік құқық бұзушылық туралы Кодексінің 608-бабы 1-бөлігі бойынша Е.-ге қатысты әкімшілік құқық бұзушылық туралы іс қаралды.
Cот отырысында құқық бұзушы азамат Е. Сырдария ауданы, Ақжарма ауылы, А.Есентұров көшесінің бойымен автокөлігін алкогольді масаң күйінде басқарғанын мойындады. Азамат Е.-ның мас болу фактісін анықтау үшін сараптама қорытындысымен «жеңіл» дәрежелі алкогольді мас күйін көрсеткен.
Сот қалысымен азамат Е. Қазақстан Республикасының Әкімшілік құқық бұзушылық туралы Кодексінің 608-бабы 1-бөлігімен кінәлі деп танылып, 15 тәулік әкімшілік қамаққа алынып, көлік құралын басқару құқығынан 7 жыл мерзімге айырылды.
Сырдария аудандық соты
Фото: Нұрболат НҰРЖАУБАЙ
