Ұлыбританияда 19 қыркүйек – ұлттық демалыс күні
ІІ Елизаветаны жерлеу күні Ұлыбританияда ұлттық демалыс күні болып жарияланды, деп хабарлайды «Хабар 24». Сөйтіп 19 қыркүйекте мектептер мен мәдени мекемелер жабық болады. Дегенмен ауруханалар мен сот жұмыс істей береді. Жерлеу рәсімі Вестминстердегі шіркеуде өтеді. Оған әлем елдерінің басшылары, жоғары лауазымды британдық шенеуніктер мен бұрынғы премьер-министрлер шақырылған. Билік қонақтардан жеке көлік не тікұшақтарды қойып, елге коммерциялық рейспен ұшып келуін сұрайды. Өйткені адамның көптігіне байланысты бос орын болмайтынын айтады.
