Соңғы жылдары медиктер мен диетологтар салауатты өмір салтын ұстанғысы келетін адамдар тәулігіне кемінде 1,5-2 литр су ішу қажеттігін жиі айтады.
Алайда, Кембридж қаласында орналасқан Гарвард университетінің ғалымдарының соңғы зерттеуі  ағзаның қалыпты жұмыс істеуі үшін 4-6 стақан су ішу жеткілікті екенін көрсетті. Бұл шамамен 0,8-1,5 литр.
Олар зерттеу нәтижесін Clinical Journal of Sports Medicine басылымына жариялады.
Ғалымдар суды мөлшерден тыс тұтыну ағзадағы тұзды шайып кететінін анықтады. Егер тұрақты түрде нормадан асырып су ішілсе, ол натрийдің жетіспеуіне әкелуі мүмкін. Бұл өз кезегінде бас ауруын тудырып, бастың айналуына әкеледі, кей жағдайларды құсқысы келуі мүмкін.
Ғалымдардың айтуынша, суды күн ішінде ағза қанша сұйықтық шығындайтынына байланысты ішу қажет. Егер сыртта 30 градус ыстық болса, ағза суды тез сіңіреді. Мұндай жағдайда мамандар күндіз  су   тұтыну нормасын екі есеге арттыруды ұсынады.
Егер адам дене жаттығуымен айналысса, онда суды күніне 2 литрдан артық тұтыну қажет.