Тіршілік тынысы Сырдария аудандық қоғамдық-саяси газет
» » » БІЛІМ АЗЫҒЫ –КІТАПХАНАДА

БІЛІМ АЗЫҒЫ –КІТАПХАНАДА



Кітап рухани азық болатын адамның бірден бір серігі. Қашанда ой-өрісіңізді, сана-сезіміңізді дамыту үшін кітаптың рөлі ерекше. Елбасының «Болашаққа бағдар: рухани жаңғыру» мақаласы аясында аудан көлемінде айтулы шаралар жалғасын табуда. Елді-мекендер мен кент орталығында оқырмандарға қызмет ететін кітапханалар жүйесі бір жолға қойылған. Осы орайда аудандық кітапханаға қарасты №1 филиалында «Модельді кітапхананың» тұсаукесері өтті. Шараға аудандық ардагерлер кеңесінің төрағасы Х.Әбенұлы, аудандық мәдениет және тілдерді дамыту бөлімінің басшысы Ж.Үсенұлы, кент ардагерлер кеңесінің төрағасы М.Келдібаев, аудандық мүгедектер қоғамдық бірлестігінің төрағасы Б.Сауытбаев, халықаралық қазақ тілі қоғамы аудандық филиал төрағасы Ж.Қонысбаев, аудан ардагерлері Ы.Әкімжанов, М.Елеусінов, Б.Жантүгілов, А.Есмағамбетов, аудандық кітапхана директоры Г.Нұржакиева, кітапханашылар қатысты.
Шараны аудандық ардагерлер кеңесінің төрағасы ашып, достық үйі ашылған жылы бірінші филиал кітапханасы осы жерге орналасқанын, қазіргі таңда көптеген белгілі жазушылардың әдеби кітап қорлары жинақталғандығын тілге тиек етті. Өз кезегінде кітапхана ұжымының жұмысына табыс тіледі. Халықаралық қазақ тілі қоғамы аудандық филиал төрағасы Ж.Қонысбаев кітапхана жұмысын жоғары бағалады. Бұдан кейін аудандық мәдениет және тілдерді дамыту бөлімінің басшысы Ж.Үсенұлы сөз сөйлеп, кітапханашы Л.Серікбаеваға модельді кітапхананың сертификатын тапсырды.
Шара барысында кітапханашылар кітапханаға арналған жергілікті ақындардың өлеңдерін оқыды. Арнайы шақырылған қонақтар салтанатты түрде моделді кітапхананың лентасын қиды. Ауданға белгілі өнерпаз Д.Палмақов әннен шашу шашты.
Кітапхана жұмысымен танысқан қонақтар Елбасы Н.Назарбаевтың «Болашаққа бағдар, рухани жаңғыру» атты мақаласына арналған көрмені тамашалап, жергілікті ақын Қ.Асановтың құрметіне арналған шығармашылық кешке куә болды. Мұнда мектеп оқушылары жергілікті ақынның өлең жолдарын жатқа оқыды. Кітапханашы Л.Серікбаева ақынның өмір жолына тоқталды.
Б.ОРДАБЕКОВ
09 желтоқсан 2017 ж. 215 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам